महाड (मिलिंद माने) महाड शहरात तील छत्रपती शिवाजी महाराजांच्या पुतळापासून हाकेच्या अंतरावर असणाऱ्या भाजीपाला विक्रेत्यांनी बालाजी मंदिर ते डोंगरी पूल हा नाला भाजीच्या कचऱ्यासाठी आंदण दिल्याचे उघड होत असतानाही महाड नगरपालिका प्रशासन बघायची भूमिका घेत आहे का असा सवाल नगरपालिका क्षेत्रातील रहिवासी प्रशासनाला विचारीत आहेत
महाड शहरातील मध्यवर्ती ठिकाणी असणारा छत्रपती शिवाजी महाराज चौक हा नेहमीच गजबजलेला असतो या चौका मधील छत्रपती शिवाजी महाराज चौक ते भगवानदास बेकरी पर्यंतच्या चौक हा भाजी विक्रेते व फळ विक्रेत्यांनी रस्त्यावर ठाण मांडून कब्जा केला आहे मात्र या ठिकाणी भाजी विक्रेते व फळ विक्रेते आपला खराब झालेला माल बालाजी मंदिर पासून डोंगरी पुलापर्यंत जाणाऱ्या नाल्यामध्ये बिनधास्तपणे टाकत असल्याने या नाल्याला कचराकुंडीचे स्वरूप प्राप्त झाले आहे
महाड परिषदे कडून. शहरातील कचरा संकलनासाठी कचरा गाड्यांची नियुक्ती करण्यात आलेली आहे या कचरा गाड्या रहिवाशी क्षेत्रापासून भाजी मंडई ते मच्छी मटण विक्रेत्यांचा व हॉटेल व्यवसायिकांचा कचरा देखील संकलन करतात कचरा गोळा करणाऱ्या गाड्या या दिवसातून तीन ते चार वेळा रस्त्यावरून कचरा संकलनासाठी फिरत असताना देखील छत्रपती शिवाजी महाराज चौकापासून बालाजी मंदिर परिसर ते भगवानदास बेकरी पर्यंतच्या रस्त्यावर ठाण मांडून बसलेले भाजीविक्रेते व फळ विक्रेते हे आपला निकृष्ट दर्जाचा भाजीपाला व खराब झालेली फळे नगरपालिकेच्या कचरा गाडीत न टाकता ते बालाजी मंदिर पासून डोंगरी पुलापर्यंत जाणाऱ्या नाल्यांमध्ये बिनधास्तपणे टाकत असल्याने हा नाला वारंवार कचऱ्याने भरल्याचे पाहण्यास मिळते
याबाबत महानगर परिषदेचे मुख्य कार्यकारी अधिकारी धनंजय कोळेकर यांच्याशी संपर्क साधला असता ते अलिबाग येथे शासकीय कामासाठी गेले आहेत परंतु याबाबत मी तातडीने कार्यवाही चालू करतो असे त्यांनी सांगितले मात्र नगर परिषदेच्या कर्मचाऱ्यांची पाठ फिरतात पुन्हा जैसे ते परिस्थिती दररोज पाहण्यास मिळत आहे याबाबत महाड नगर परिषदेने एकतर छत्रपती शिवाजी महाराज चौकापासून भगवानदास बेकरी पर्यंतचा चौक हा भाजी विक्रेत व फळ विक्रेत्याने रस्त्यावर कब्जा केल्याने वाहतूक कोंडी होते हे दररोज असल्याने व यापासून नगरपरिषदेला कर रुपात मिळणारे उत्पन्न अल्पशा असल्याने यांच्या स्वच्छतेसाठी दुप्पट ते तिप्पट रक्कम नगर परिषदेला खर्च करावी लागत असल्याने यावर कठोर कारवाई होणे अपेक्षित असल्याचे नागरिकांकडून बोलले जात आहे