मुंबई – हजरत मुहम्मद पैगंबर साहेब यांच्या जन्मदिवसाच्या निमित्ताने, १५०० व्या जश्न-ए-ईद मिलाद-उन-नबी चे भव्य आयोजन हाजी अली दर्गा ट्रस्ट आणि पीर मखदुम साहेब चॅरिटेबल ट्रस्ट (माहीम दर्गा ट्रस्ट) यांच्या संयुक्त विद्यमाने करण्यात आले आहे.
हा ऐतिहासिक समारंभ ८ सप्टेंबर रोजी, रात्री ८ वाजल्यापासून जे.जे. हॉस्पिटल जंक्शन, मुंबई येथे संपन्न होणार आहे. यावेळी श्रद्धा, भक्ती, प्रेम, शांती, सौहार्द आणि मानवतेचा संदेश देणारा एकत्रित कार्यक्रम साजरा केला जाईल.
विशेष म्हणजे, या कार्यक्रमात हाजी अली दर्गा ट्रस्टचे व्यवस्थापकीय विश्वस्त जनाब मुहम्मद सुहेल खंडवानी विविध क्षेत्रातील मान्यवरांचे सन्मान करत, समाजासाठी त्यांच्या योगदानाची दखल घेणार आहेत.
संपूर्ण मुंबईकरांना या पवित्र प्रसंगी सहभागी होण्याचे हार्दिक आमंत्रण देण्यात आले आहे. धर्म, जात, पंथ यापलीकडे जाऊन मानवतेसाठी एकत्र येण्याचा हा एक अनुपम संधी ठरणार आहे.