मीरा-भाईंदर : मीरा भाईंदर,वसई विरार पोलीस आयुक्तालयाच्या गुन्हे शाखा युनिट ४ ने एक मोठी कारवाई करत हैदराबादजवळ एमडी ड्रग्ज (मेथॅम्पेटामीन) बनवणाऱ्या कारखान्यावर छापा टाकून ड्रग्ज आणि त्यासाठी लागणारे साहित्य असा कोट्यवधी रुपयांचा मुद्देमाल जप्त केला आहे.
या कारवाईत एमडी ड्रग्जचे प्रमाण, उत्पादनासाठी लागणारी केमिकल्स, उपकरणे व इतर साहित्य मिळून लाखो रूपयांचा साठा पोलिसांनी हस्तगत केला आहे. यासोबतच कारखान्याचा मालक ताब्यात घेण्यात आला असून, त्याच्यावर एनडीपीएस कायद्यान्वये गुन्हा दाखल करण्यात आला आहे.
ही कारवाई मीरा-भाईंदर व वसई विरार गुन्हे शाखा युनिट ४च्या पथकाने अत्यंत गोपनीय माहितीवरून अंमलात आणली. मुंबईसह महाराष्ट्रात मोठ्या प्रमाणात ड्रग्स पुरवले जात असल्याचा संशय आहे. गुन्हे शाखेचे वरिष्ठ अधिकारी व तपास पथक यांच्याकडून सखोल चौकशी सुरू असून, यामागे कार्यरत असलेल्या संपूर्ण नेटवर्कचा शोध घेण्यासाठी तपास वेगाने सुरू आहे.